FSI 法瑞意之旅 2001 ※ 樂悠遊手記 Day 3

奉上　<<樂悠遊手記>>　之 Day 3 :
代買LV袋 - 是騙子嗎？;
聖母院 -「鐘樓陀俠」(Victor Hugo)亦源出於此;
龐比度藝術中心 - 本身就是藝術

ps:放假先黎落雨, 唔update hp, 又有咩好做呢?

FSI 法瑞意之旅 2001 ※ 樂悠遊手記 Day 2

奉上　<<樂悠遊手記>>　之 － Day 2 :
認識卡米奧;
百聞不如一見羅浮宮;
協和廣場內埃及方尖碑;
香榭麗舍大道 - 藝術與生命的結合;
悽美的舊凱旋門 ;

ps: 打左好鬼多字, 手好酸痛...有時間先再被番多d相片啦~~~

誰言寸草心,報得三春暉

最近, 一位舊同學的爸爸因病過身, 終年才不過60歲。想到自己的母親大人尚健在, 真的幸福! 可是自己卻沒有好好珍惜這些日子, 習以為常, 把幸福當成必然的事, 只懂坐享母親的愛, 卻沒有半點報答的行動, 實在慚愧...現在才醒悟, 希望不會太遲吧!
【樹欲靜而風不息,子欲養而親不在】希望不會發生在自己身上啊!




p.s. 從別人的網誌找來的圖, 希望原著者別介意我作出少少修改

小病是福

臨食晚飯時, 忽然肚痛, 以為去廁所便便, 一瀉千里後就會無事。 誰知, 便便後依然痛得令我死去活來, 以前都無試過咁痛, 死頂半小時, 終於頂唔順, 要食支保濟丸。其實我好少食成藥止痛, 因為痛楚,是身體話你聽你有毛病, 用藥壓制, 豈不是莫視危險訊號? 病向淺中醫嘛, 病得緊要, 當然要見見醫生穩妥d啦。
食完保濟丸依然毫無起色, 看來非見醫生不可了...可是一拖再拖, 屋企附近的診所都已關門, 唯有撘的士去觀塘睇夜診, 折騰左個多小時, 終於見完醫生, 食到西藥。不過醫生扼我, 又話d藥會馬上止痛...
公司今晚都係緊緊夠人開工, 如果我再請病假, 雖然公司唔會唔掂, 但就會好唔方便, 所以我就扮勁, 忍痛返工。返到去, d藥止到少少痛, 但就多左頭痛 , 頭脹到快似要爆炸, 基本上都唔能夠思考...開始覺得自己好白痴, 咁辛苦都要返工, 為甚麼呢?
公司裡既同事有d非常眼利, 留意到我面青青, 彎著腰, 便知道我唔舒服。有d同事更拍心口, 做埋我個份, 老細更叫我快d閃埋一邊休息, 人間有情啊! 不過我都要做完手頭上既野先, 頂左三四個鐘, 真係頂無可頂, 好辛苦, 真的要閃埋一邊抖抖... 突然想起一個人, 佢亦都係病左都返工, 真係好佩服佢!