一歲生日喇

不經不覺, 使用此blog已有一年喇. 由起初記載網頁的更新, 變下變下, 寫下寫下, 變左寫自己的生活片段. 過去呢一年都發生唔少事, 有喜有悲, 但最唔開心的是: 發現自己無與時並進, 反而不斷倒退中.... 我還有光陰可以浪費嗎?! 點解總係提不起勁 / 堅持唔到, 為自己的生命奮鬥呢...............

還原基本步

搵番佢已經有一個多月了, 雖然當中有少許開心既時候, 但總的來說, 都係好痛苦既...不過呢d都係自招.

再睇番以前既相同信, 的確有好多歡愉既時候, 亦感到佢好愛我; 可是此情不再了, 自怪自己想壞腦, 做出一d令人痛心既事. 心碎了, 無論如何, 永遠都有一道不能磨滅的裂痕, 何況這已經是第二次呢?!

我好明白, 佢現在未能重新接受我; 但我卻好困惑, 到底佢係咪願意去嘗試重新接受我呢?如果佢係唔願意的話, 再繼續纏住人, 都係無意思既, 不如大家以後都唔好再見, 免得大家都難過...但咁做, 我真係好唔甘心, 咁多年既感情, 到最後都唔能夠修成正果 :( 所以, 最後我都要再退一步, 接受佢既建議, 大家做番"普通"朋友先, 等佢慢慢再考慮清楚, 佢到底可唔可以再接受番我, 想清楚到底大家係咪真係夾得來. 我好無耐, 但亦只有時間才可以解決到呢個問題.

我好想可以幫佢實現夢想架, 可是佢現在已有新既體會, 變了, 或許我倆真的走左分叉線上, 距離越來越遠呢...

心灰意冷

已經一個多月了, 同佢一齊過生日, 以為大家真係可以重新開始... 點知, 原來佢仲未原諒我. 或許, 同佢分開半年既時間實左太長喇, 佢真的真的對我死心了, 所有事情都不會再想起我. 呢點真係唔到我唔承認.... 我亦很傷心呢, 很後悔一次又一次咁傷害佢, 現在自作自受吧.
不過我今次真係誠心悔改, 好希望可以同佢白頭偕老; 七年既感情, 唔通就咁完結??!
以後我都唔敢再搵佢喇.... 當你知道一個人唔想見到你既時候, 要迫大家見面, 係幾咁難受呢! 如果我唔搵佢的話, 相信佢都唔會再搵我lu...... 但我真係十分唔捨得~~~~~唉, 已經浪費左咁多光陰, 還要繼續浪費下去嗎??