麥兜貼住你 - 7

早餐加下午茶(又係4個black jack cones ;p), 一日連去ok兩次, 好彩地被我抽到德和燒味黎根叔同麥太, 嘻嘻 :)
尚欠兩位主角Mcdull同Mcmug咋, 就集齊一套啦~~~ 呢個時候, 梗係想起d「好朋友」啦, 即刻打電話問下有無人抽到可愛既豬豬先!
原來姐姐有串燒Mcdull, 咁咪即係仲掙叉包Mcdull? 朋友H話仲有幾個"貼住你"未開封, 唔知會唔會有呢? 就快可以一戲逛街囉.

另外, 都要多謝朋友V, 雖然佢送張我已經有既"貼住你"俾我. 其實好多謝佢咁有心幫我keep住, 因為之前我無同佢提過, 我要收集呢d貼紙仔, 但佢知我鍾意Mcdull, 就好醒咁幫幫手, 呢d朋友真係唔話得!!

竟然唔記得換購DIY情景掛畫...

唔知換晒未呢??

麥兜貼住你 - 6

朋友C送左個校徽俾我呀~~~ 不過唔知放左去邊添....激死我啦!!!

麥兜貼住你 - 5

一叮飯 + hot & in $20有兩個貼住你送呀! 飯既味道就麻麻喇, 不過西柚汁都幾好味架!















另外, $20 4支black jack甜筒, 味道一般, 但又係有兩個貼住你送喎!


















就係咁樣, 我就抽到菇時, 校長同得巴。成績都唔錯, 嘻嘻。

空虛的六月

原本報左一個營藝課程係六月上堂, 可以學野, 又可以玩, 好充實咁過呢個炎夏。怎料今日收到通知, 因課程人數不足, 要取消... 嘩啦~~~~ 好失望呀!!! 點解唔早d收到通知呀???!!!! 我可以報其他課程嘛, 依家都五月尾啦, 想報都無晒位...

珍珠妹, 不可少看!

琴日珍珠輕輕掠過香港, 由三號風球下調至一號戒備訊號, 我以為風勢減弱左好多, 又見只是微雨, 便騎電單車返屋企。點知騎車離開公司後, 先發覺風勢依然強勁, 心裡暗叫不妙, 唔敢開快車。誰知駛至路口時, 忽然遇到一股強勁既側風由左面吹黎, 整架車不由自主咁被吹到右面行車線, 當時真係嚇到心都離埋!又驚反車, 又驚撞埋右線既車到....好彩,有驚無險,右面行車線無車! 定一定神後, 馬上減慢至龜速前進。之後沿途都不斷提心跳膽呢, 心想, 下次再遇到側風, 都唔知有無咁好彩囉~~~~幸好, 最後都安全返家!今次真係怕怕囉...

麥兜貼住你 - 4

阿may同阿june真係似到丫...搞到我都錯左添, 不過好快已經更正番喇!

麥兜貼住你 - 3

好在有家姐幫手!

獨木舟一星課程, 星級享受

今日天氣呵呵呵, 去上堂, 乘專車前往時, 在水霸上遠看, 創興水上活動中心四周的景物都倒照在平靜的人工湖內, 此時此刻的美景盡收眼簾, 實在靚到難以形容. 天氣好, 心情好, 教練又好(1個教練, 教3個學員, 你話係咪好好呢?!), 仲唔係星級享受?!

麥兜貼住你 - 2

麥兜貼住你

同事W話, ok又有麥兜貼紙換喎, 果晚就見到報紙賣廣告喇...我就話:ok陪住我就真!因為又要開始收集行動lu~~~~

5月18日起有得換購DIY情景掛畫喇~~~集齊逛街系列, 就可以同麥兜高唱:「鵝悶天天一戲逛街」囉 ;p

第一個貼住你~~~好緊張呀, 會係邊款角色造型貼貼呢? ................... 原來係Miss Chan! 第二個都係! 第三個都係!? .... .... 一日連中三個, 唔係咁橋呀... _TO ....



另外,

挑戰體力極限

星期日開工, 做到無停手, 開埋OT都唔掂...
收工想抖番陣都唔得, 因為帶漏左野, 要先返屋企(手羅)野, 再趕去尖沙咀上堂, 時間至係岩岩好, 好彩收工前食左野姐, 唔係實餓死...
原本以為呢堂都係聽下書, 行行企企, 估唔到要係青衣四圍跑, 真係(支力)到腳仔軟呀~~~
上完堂身水身汗, 番到屋企沖個涼, 訓左3粒鐘, 食個飯, 又夠鐘返工!
返工後又係忙個不停, 改呢樣改果樣。以經唔夠休息啦, 仲要人地諗野, 改來改去, 真係改到頭昏腦脹呀!
跟住果日我放假, 要交帶清楚D手尾俾人, 先可以安安心心放假, 最後又係收遲工...._/^^\O
久不久就係咁, 返完工, 接住私人活動(梗係唔係話去玩果D啦~~~), 跟住又返工.... 真係好快爆偈! 無計, 無人手, 放唔到假, 但又想參加自己喜歡既活動, 唯有硬食啦...