珍珠妹, 不可少看!

琴日珍珠輕輕掠過香港, 由三號風球下調至一號戒備訊號, 我以為風勢減弱左好多, 又見只是微雨, 便騎電單車返屋企。點知騎車離開公司後, 先發覺風勢依然強勁, 心裡暗叫不妙, 唔敢開快車。誰知駛至路口時, 忽然遇到一股強勁既側風由左面吹黎, 整架車不由自主咁被吹到右面行車線, 當時真係嚇到心都離埋!又驚反車, 又驚撞埋右線既車到....好彩,有驚無險,右面行車線無車! 定一定神後, 馬上減慢至龜速前進。之後沿途都不斷提心跳膽呢, 心想, 下次再遇到側風, 都唔知有無咁好彩囉~~~~幸好, 最後都安全返家!今次真係怕怕囉...