Tks for the email
呢一句: "Tks for the email", 係我心目中, 只會出現係普通朋友或者d客仔身上架咋!! 唔通我d英文真係爛成咁?!
事緣, 想同佢一齊參加興趣班, 電話打俾佢, 佢成日都話好忙、好累, 連 send sms俾佢都唔覆; 但佢會有時間陪佢既舊同學食飯....我真係好唔開心, 覺得好似俾人嫌棄緊咁 :(
我已經唔敢再俾電話佢喇, 因為我唔想再聽到果d, "點呀?又係你呀...", "我好忙呀!", "我好累呀!", "我要食飯啦~~~", "我唔得閒呀..." , 等等既語氣, 好討厭好討厭呀~~~~!!!! 點解要申請俾人話到自己唔開心丫?!
我只好用最慢, 最間接的email通知佢, 而收到回覆時, 第一句竟然係"Tks for the email", 哈(苦笑)! 加埋佢解釋點樣點樣唔可以參加呢個班.... 好官腔啊! 十足十係一封投訴信既回覆....原來大家既關係係咁....
可能佢寫既時候, 連自己都唔知, 會不自覺流露出呢一種微渺的訊息. 但我真係有一種好強烈的反感.....好唔開心呢~~~
過兩天便是我們的紀念日, 佢會記得嗎? 佢會在意嗎? 我倆還可以重新開始嗎? 相信果日會有答案
posted by 枯葉一片 @ 1:23 上午
1 Comments:
佢竟然應承同事, 係我地紀念日當晚, 收工後去食飯. 不單忘記我早已約左佢, 還忘記左這個big day... 真係傷心透呢.
原本打算係紀念日當晚, 才同佢盡訴心中情, 但真是按捺不住了!!於是提早左一晚同佢攤牌.
意外地, 佢竟然好開心我將所有心底話講佢聽; 佢亦解釋番點解呢排會咁樣對我. 之後,我感到大家既距離開始近番一點點.
紀念日當晚, 我送佢一份小小的禮物, 睇黎, 佢又再讓我靠近佢既心多一點, 好開心呢!
好希望我倆的心可以重新緊扣, 永不分離!!
發佈留言
<< Home