可以重新去愛嗎?

你又再次讓我覺得, 我們正向美好的路途進發, 雖然不肯定這次會否又是假象. 但是, 若然不讓我問過明白, 我只會日日夜夜胡思亂想, 我不想去懷疑你, 我更不想你要我懷疑你! 今晚, 星期五晚, 我決定要搞清楚你與他的關係!!
我唔想再懷疑你, 我只是想好好愛你, 跟你重新去愛!

心裡面的一根刺

原來, 有時被蒙在鼓裡, 也是一種幸福! 現在只知道點點端兒, 而有很多很多???, 心裡面實在不是味兒~~~ 心裡面就是有一根刺, 不拔出來, 就會不時的隱隱作痛; 但拔出來的話, 又可能傷害大家正在修好中(純粹是自己一廂情願的想法, 自己也不清楚現況是否如此...?)的感情.....
無意中讓我知道他倆有過於頻繁的交往, 無意中讓我知道他倆有超越普通知交好友的情感, 無意中讓我知道他倆有過親密的約會...... 可惜我就是只知道點點, 但就夠害得我日日夜夜胡思亂想, 心如刀割! 我嘗試說服自己, 她是不會背叛(雖然她現在仍未再次接受我...她有她的選擇權利)我的! 可是當一個最脆弱的時候, 往往就最不能相信自己...
當我轉述此事給我的老死聽後, 他也覺得我只是自欺欺人, 我倆之間一定還有第三人, 他倆的關係, 一定不止是"普通朋友"! 我的心快承受不了~~~~~!!!!! 我好自私的, 我根本不能夠容忍到她的心, 還有另一人...... 為何我當初無好好珍惜, 這種死心塌地的愛呢?!!
我已按捺不住了, 我好快便會向她問過究竟, 我好想她親口向我講清楚, 只是我想多了.....
但若她堅決否認, 我可以接受她的解釋嗎?;
若她落落承認, 我又可以接受到這個事實嗎?;
又若她藉詞回避, 我能夠承受這根刺留在我的心裡嗎?
好矛盾呀~~~~~~~

關心

多點關心, 自然就會感受到愛.
但要持之以久, 方能成功!!

痛定思痛

琴晚, 想起佢話依家唔會再想起我, 我個心真係好酸, 眼淚奪眶而出. 本來準備訓覺既, 亦都起身動筆寫信俾佢, 想話俾佢聽我好唔開心. 其實我之前唔開心, 都想講俾佢聽架, 不過總是張口結舌, 講野一舊舊, 又散又亂, 所以希望組織好先一次過寫信俾佢囉.

不過寫下寫下, 先發覺交唔到封信俾佢, 因為....
佢依家咁自我保護, 係因為我傷害得佢太深, 係我再俾唔到安全感佢, 得唔到佢既信任.
一日未解決到呢d問題, 佢日後都係會咁對我....
唉, 做咁多野都無起息, 令人好沮喪呢................................................

自作孽

新一年, 以為可以重新開始, 可惜, 原來仲未係時候...
已經4個月喇, 點解仲未可以搞番好d關係?! 令我真係十分擔心呢, 越拖得耐, 越是顯得傷害越深, 後遺症亦越麻煩呢.
唉, 呢段日子裡, 好自然就會同以前既日子比較, 現況亦更顯得可憐. 而心裡面亦明白, 逝去日子不能復回. 以前既日子, 佢心裡面只有我, 所以我對佢絕對信任; 但係佢親口同我講, 佢依家唔會再好似以前咁, 將自己個心全情投入之後, 我就真係好擔心, 佢個心, 到底放左係邊呢? 佢係咪有野瞞住我呢? 加上佢近來既行為實在太神秘喇, 用手提既時候, 佢會好擔心我睇到佢手提既內容, 手提亦經常跟身(以前佢話怕幅射, 手提唔會跟身), 亦唔鍾意提自己放假同其他人去邊度玩, 若果我問佢, 佢就會好反感.....
最唔開心係, 佢依家想去一d地方或者做一d活動既時候, 佢都唔會想起我, 想我同佢一齊去, 而係諗起其他人...............去完玩之後, 亦唔會同我分享, 到底玩得開唔開心........ 點解呢? 唯一可能既係, 佢心裡面再沒有我 :( 佢亦答我, 佢依家唔會想起我.................................................
愛的感覺已經變左質, 甚至乎無左喇................ 是時間未夠, 定係我太過執著呢?
不可活!