自作孽

新一年, 以為可以重新開始, 可惜, 原來仲未係時候...
已經4個月喇, 點解仲未可以搞番好d關係?! 令我真係十分擔心呢, 越拖得耐, 越是顯得傷害越深, 後遺症亦越麻煩呢.
唉, 呢段日子裡, 好自然就會同以前既日子比較, 現況亦更顯得可憐. 而心裡面亦明白, 逝去日子不能復回. 以前既日子, 佢心裡面只有我, 所以我對佢絕對信任; 但係佢親口同我講, 佢依家唔會再好似以前咁, 將自己個心全情投入之後, 我就真係好擔心, 佢個心, 到底放左係邊呢? 佢係咪有野瞞住我呢? 加上佢近來既行為實在太神秘喇, 用手提既時候, 佢會好擔心我睇到佢手提既內容, 手提亦經常跟身(以前佢話怕幅射, 手提唔會跟身), 亦唔鍾意提自己放假同其他人去邊度玩, 若果我問佢, 佢就會好反感.....
最唔開心係, 佢依家想去一d地方或者做一d活動既時候, 佢都唔會想起我, 想我同佢一齊去, 而係諗起其他人...............去完玩之後, 亦唔會同我分享, 到底玩得開唔開心........ 點解呢? 唯一可能既係, 佢心裡面再沒有我 :( 佢亦答我, 佢依家唔會想起我.................................................
愛的感覺已經變左質, 甚至乎無左喇................ 是時間未夠, 定係我太過執著呢?
不可活!