回頭太難
差不多兩個多月喇, 我做左咁多野, 無非都係想話俾佢聽, 我真係想同佢係返埋一齊, 希望佢俾多一次機會我. 雖然佢係知道我既想法, 可惜佢淡忘唔到以前我對佢既傷害, 我知係我唔岩, 但係點解我做咁多野, 都唔能夠打動到佢呢? 或者我真係迫得佢太緊吧, 你越迫佢, 佢越返感....
我係一個好性急既人, 呢一刻, 我真係好想同返佢係埋一齊, 佢依家接受唔到, 成日都會要俾時間, 等等等, 等到我好唔耐煩呢~~~~唉, 人地鍾意你既時候, 你唔珍惜人; 依家人地都忘記左你, 你先至話要搵番人, 又犯賤喇!!!
有時我都好懷疑, 究竟大家係咪係度呃緊自己呢? 我地係咪可以再次走返埋一齊呢???
posted by 枯葉一片 @ 12:15 上午
1 Comments:
2006-11-18
情況真係唔樂觀呢..... :(
我本來以為佢只係因為未記到過去, 所以唔肯同番我係埋一齊; 原來佢心裡面仲有個想法, 總想著, 將來都唔可能再接受番我, 若我繼續等的話, 只會浪費大家的時間... 我好驚呀~~~ 佢咁諗, 咪即係幾乎要同我劃清界線一樣?! 我真係好害怕無左佢呀!!
佢只肯同我保持朋友關係, 我已經好非不得意咁接受左, 佢依家仲嫌我霸左佢d時間, 佢無時間同空間去想清楚, 到底應唔該接受番我. 佢希望我地少d見面.....唉, 連見面既機會都無埋, 點樣可以有機會修補呢度關係呢?
係我地關係最脆弱既時候, 竟然仲有另一個男仔介入, 真係雪上加霜呀!!! 當知道自己心愛的人, 對另一個男仔有好感, 有非比尋常的關係, 內心就好似被人緊緊捏住一樣, 痛不欲生...... :~
我真的好內疚, 亦都好憎恨自己, 點解會想壞腦, 做出傷害深愛自己的人, 徹底破壞彼此間既信任的事呢?????????????
我好辛苦呀, 個心好痛好痛, 點算呀? 好想快d可以得到解脫呀~~~~ 除左大家走番埋一齊之外, 我真係接受唔到其他結局呢.......我應該點做呢? 放手讓佢想清楚? 但我一放手, 其他人就會乘虛而入........雖然依家人地都一樣攝緊位....
發佈留言
<< Home