求婚進行曲 - 前奏

原本打算係拍拖週年紀念日前一個月開始預備既, 不過拖下拖下, 最後都係兩三個星期前先落實開始...真係弊...

首先, 當然係構思一個浪漫的求婚故事啦, 可惜, 我本不浪漫, 哈! 真係想壞腦都諗唔到, 所以最後都係晚飯、鮮花、愛的宣言同鑽介。

橋段雖然老套, 但最緊要係穩穩當當啦!!場地想了幾個地方, 可惜都是拿不定主意, 始終都覺得唔夠浪漫, 但又諗唔到更好喎... 只好向她打探一下, oh my god.... 原來佢都係無乜興趣, 好在事先張揚啫...唯有先擱置一下, 先搵隻耀目動人既鑽介啦!

對於我這個門外漢, 當然要進修一下先啦! 而我就搵到呢個網站 http://sormagi.uwants.com/的確令我獲益良多, 令我對鑽石有著初步的了解, 正!心目中理想的鑽介, 當然係自己能力範圍以內, 而又最優質啦, 如果係8心8箭 cutting, 有70多份carat, f color, vvs2 clarity 就最好喇~~~~

事不宜"再"遲, 馬上約左妹妹的好友負責揀靚鑽, 姐姐就負責揀靚介, go go go! 其實我打算係大行買既, 不過妹妹的好友就帶左我去第二度買, 明碼實價好d喎。大家左揀右揀, 都揀唔到岩心水既款, 揀左好耐之後, 個sales就問我買黎點送, 佢知道左之後, 就係第二度攞左一隻鑽介出黎, 又平又靚。出奇地, 妹妹的好友就覺得呢隻既質素合理, 姐姐就覺得個指環唔錯, 我亦覺得價錢乎合我心目中既價, 於是一致通過買呢隻鑽介喇 :)

小插曲...原本我想搵埋媽媽去架, 可惜佢咁岩去旅行啦...事後俾隻鑽介佢睇, 佢反應一般啦 (唔知係咪因為我無買佢果份呢? :p) 佢話呢隻鑽介唔夠閃喎, 又唔係大行買, 麻麻地. 唉, 唔知係咪因為唔係ideal cutting, 同埋只得vs2 clarity 關係呢??? 4C, 睇黎少一個都係唔掂.... 連媽媽都取悅唔到, 實在令我有少許擔心... :(