求婚 - ready to go!

原本報左團去 廣州花都歐陸風情小鎮「九龍湖公主度假酒店」 ,

可惜出發幾天收到通知, 人數不夠, 未能成團.... 又要改變計劃喇! 立刻上網搜尋浪漫的餐廳, 幸好之前都曾做過資料搜集, 心目中覺得
小白鷺餐廳,
香港黃金海岸酒店
都是不錯的選擇.

係小白鷺湖心小白屋, 二人共進晚餐, 不會被其他人騷擾, 都幾正架, 可惜她嫌小白鷺太偏僻, 交通十分不便. 加上網上既食評... 我諗諗下都有點卻步.

黃金海岸酒店既食物較有保證, 又有大草地可以賞月, 正! 原本有優惠架, 可惜太遲申請, 唔批! 覺得咁樣用正價去食野, 好似浪費左d, 所以又告吹...

其實都仲有好多浪漫既餐廳(Felix│洲際飯店│Aqua│Panorama│峰景餐廳│太平山餐廳│Vong)架, 不過實在太遲訂位, 好既位置都早已被人訂晒. 直至最後一日, 才被我找到裝潢同食評都很好的太平山餐廳, 唯一少少美中不足就係不能坐在餐廳觀看維港景色.

其實我之前預備摺紙花架, 但係摺落先知好難摺, 說明書有成五十幾個steps, 而我天份不足... 睇唔明, 只好作罷.

鮮花, 都係會感人d既, 但都要預備好地方, 先可以訂花喎, 所以我好遲先可以落單, 搞到花店負責人都有點抱怨 :p 不過佢既服務態度真係很好, 而"香舍"既花又真係幾靚架, 讚!

浪漫的餐廳共進晚餐期間, 由Mcmug天使送上鮮花及閃亮鑽介, 伴奏著醉人情歌 - 向全世界說愛你, 加埋愛的宣言, 相信是滿分浪漫喇卦 :)

直到last day才everything ready, 真係驚險! 哈, 整個預備過程實在好sweet

小插曲:

去到太平山時, 才發覺山頂凌宵閣阿甘蝦餐廳及一間和食餐廳, 都係望住維港架! 佢見到既時候, 都提議改去呢度食, 我都想架, 但都要好無奈地say no, 因為我已經暗地裡安排好鮮花嘛...